KS．仁手

(1)

我係一個女仔，今年18歲，看似一個普通女仔既我，其實…

「岑古喬，快的同我起身。」叫我既人係我班主任，其實我都就快畢業啦，駛乜聽書喎。

我係一個習武之人，自小學懂防狼術，除此之外，就只有一股”暴力”，重有就係眼界準，正因為咁，我一直有一份十分優厚既工等緊我。番到屋企，當然係要----

上網~不過我上既係國際秘密組織既網，因為我係一個年輕既特工，依，有新任務。

郵件會自動於三分鐘內毀滅…

任務名稱：凰

任務代號：301

任務內容：盜取吉隆坡外交官保管的一份文件

任務地點：香港洲際酒店901號房

任務時間：10:00p.m.

執行任務者：KS，YT & MR

**不許有人命損失**

是否接受任務﹖

KS是我，YT是我的好友湯只游，我地係好拍擋，即使我地只係合作過一次，

個次係我地既第一次，目標係一隻遊艇上面既一碟西蘭花，原來個度有一袋鑽石，點解我知﹖因為我唔覺意趺?兩粒，被人扣賞金，不過任務都算成功架。

但係今次有個MR我唔識喎…唔緊要，依家首先要接受任務，然後入裝備，我去邊度﹖E家傢俬有我所需的武器，亦係我屋企既裝飾之一，俾時間你估?。

我決定約只游一齊行街，只游其實唔只識游，重識跑，但係唔識轉彎。而我就唔夠氣跑，不過好識跳，最高紀錄係商場內頂層(3樓)跳落地面，其實唔係好高既。

「對唔住，遲到！」只游成日都比我早到，令我成為遲到既人。

「去邊入貨先﹖銀行定E家傢俬定GAT ﹖」

「梗係銀行啦，之後GAT 囉，近o的好。」GAT其實係秘密既裝備商店，位於幾個大型商場既停車場底。

去過銀行之後，我地就走?去停車場，去到一架BENZ前，擰兩下個logo， BENZ門自動開啟。入到車廂，一定要帶好安全帶，因為咁樣先到唔會跌親。

十秒後SEAT位自動作270°旋轉，跟住會有以下講播︰

「你已經到達GAT專門店，請放低安全帶，沿住藍色柱‘碌’落去，放心，本產品發生意外既機會率只有49.9%，未到一半。請準備通行證及身份證明，否則後果自負。」

如果唔帶安全帶，後果係跌落有離地30層樓高既地面，而無通行證既話，後果係會被跣去最近既海面上…

Vol. 2 續

作 者 ： 紙言

與作者聯絡