一次又一次既傷─〉得不到的愛

(22)

本來我都無諗住將呢個故事完結，正確o的講係我唔想個故事完。其實寫呢個故事既時間當中有幾次我係同熱吻離離合合既，到今次最後一次分手我再寫個故事既時候我成日同自己講，只要我唔將呢個故事寫上”完”呢個字，永遠只留待續，咁樣就代表我同熱吻既故事係未完既，熱吻會再一次返唻同我繼續呢個故事。但依家我真係要寫個”完”字啦！因為我同熱吻已經分左手兩年啦，不過呢兩年唻佢真係無再返唻搵我！大家如果仲記得最後o個次分手我同熱吻都對對方有一個承諾，我應承自己同熱吻如果我一日未放低熱吻我都係唔會搵返佢ga，而熱吻對佢自己同我既承諾就係如果佢有一日返唻拉返我既話佢係會好認真。我地大家對呢兩個承諾都好認真。曾經有段時間我以為自己已經放低左熱吻，所以我搵佢出唻食飯，但點知當我見返佢之後我先發覺原來我仲係好愛佢，當時我好傷心，因為我自欺欺人咁以為放低左，我更加嬲自己點解我有段時間會遺忘左我對佢既愛，o個種感覺真係好難受。依家既我唔敢再搵佢lu，因為我仲係好愛佢，所以我唔可以搵佢。而佢真係無再返唻搵我傷害我，可能佢已經忘記左對我既愛，又或者佢知道自己對我仲未可以認真，所以無返唻搵我。今次寫呢個”完’字我真係諗左好耐，仲鼓起左最大既勇氣唻面對！我好希望我可以有一日再寫一個新既故事，一個只有開心無唔開心既，最好就梗係個男主角可以係佢啦！

最後我想多謝某o的人同埋同某o的人講對唔住。第一個係我所有既朋友，因為佢地無論o係咩時候都好照顧我同錫我，o係我最唔開心既時候佢地就係我既支柱。第二個係多謝熱吻既”女麻女麻”，因為”女麻女麻”當時好錫我，我自己既’女麻女麻”一早就離開左我，熱吻既”女麻女麻”令我覺得好似自己”女麻女麻”一樣。第三個我要多謝既係熱吻既媽咪，o係多謝既同時我亦都好想同伯母講聲”SORRY”，多謝伯母對我既寬容，”對唔住’既係我成日都令到伯母唔高興。第四個我係要同佢講聲”SORRY”既，呢個就係所講既第三者”Bo Bo”，我真係唔想傷害佢ga，令到佢咁痛苦咁難受我真係好”對唔住”呀！最後呢個唔單只多謝佢、對唔住佢，我仲好感激佢同愛佢，呢個就係熱吻，我好多謝佢俾左好多開心既回憶俾我，雖然最後o個年幾佢成日都令我傷心，不過o個時我o係傷心既同辛苦既當中我仲會有少少既幸福，就係呢少少幸福令我一直支持落去。o個時唔開心我仲有少少幸福，因為我仲有佢o係我身邊，只要收到佢一個電話，或者只要聽到佢把聲我就已經感到幸福同開心。無左佢o係我身邊呢兩年我仲唔開心過佢o係我身邊但對我不聞不問o個時，因為我已經收唔到佢既電話同埋聽唔到佢把聲啦，我又應承過自己同佢我唔可以搵佢，我真係好辛苦呀！對唔住佢既係有兩件事，第一件係我好後悔當時打俾第三者”Bo Bo”講出所有事，令到我、熱吻同Bo Bo三個都唔開心。第二樣係我一直以為自己已經做到一百分既女朋友，但原來我成日俾左好多無形既壓力俾佢，而係我自己唔知既，直到最後o個次分手佢先同我講，我真係覺得好對佢唔住，我竟然令到自己愛既人有無形既壓力，真係好嬲我自己。我真係好感激佢，如果唔係佢我諗我既性格一定會好似以前咁，成日都發小姐脾氣，唔識理人感受，真係感激佢將我改變！最後我好想講既係我仲係好愛好愛佢，我唔知自己幾時先可以完全放低佢，我只知道依家既我同以前一樣都係咁愛佢。

The End

作 者 ： 吻兒

與作者聯絡