一次又一次既傷─〉得不到的愛
(21)
就唻又到人月兩團完既日子啦，亞兒一早就諗好左想點樣同熱吻過，當亞兒正想同熱吻傾o下今次中秋去邊玩既時候，熱吻竟然同亞兒講佢今年唔會同亞兒過，會自己同朋友去玩，亞兒聽到就梗係唔開心啦，但係又有無計呀？因為呢件事亞兒真係好嬲好唔開心，亞兒又再一次控制唔到佢既理智啦，亞兒竟然主動同熱吻講"不如我地冷靜兩日呀！"哈~~~真係唔敢相信呢句說話會出自亞兒既口呀。o係冷靜既呢兩日亞兒諗左好多野，突然亞兒諗通左，一直亞兒都覺得係熱吻成日都想迫自己走，但係諗深一層其實一直都係亞兒迫緊熱吻走就真，諗到呢到亞兒真係好痛心呀，真係覺得自己唔死都無用呀！經過兩日既冷靜期亞兒同熱吻算係無事啦，仲一齊去左睇戲，不過亞兒都唔係咁開心，只係無o係熱吻面前表現出唻。
哈哈~~~雖然真係有好多好唔開心既野，不過經過o個次冷靜之後有一排亞兒同熱吻既感情真係好似好左咁，有一日熱吻仲叫亞兒放工去煮飯俾佢食tim，亞兒梗係開心啦，但係亞兒都耐都無煮過飯啦，同埋放工之後都唔知仲有無餸買tim。o個晚亞兒放工就即係返牛頭角街市買餸，一早亞兒就諗好左o個晚煮咩餸同
煲咩湯。去到街市亞兒買餸既時候一路買一O係度諗"真係唔好俾熟人見到自己呀！"因為真係未見過咁女人既亞兒呀！雖然亞兒咁諗，但係亞兒另一方面又覺得好幸福好開心喎，個感覺好似同熱吻結左婚咁，真
係好想永遠都係咁。咁O岩買完餸之後熱吻就返到唻牛頭角，兩個好開心既手拖手返屋企煮飯。O個晚熱吻
將全部餸同飯都食哂，老土咁講句，一個女人辛辛苦苦煮飯都係想自己心愛既人食得開心同埋可以將全部食哂。食完亞兒仲要洗碗，雖然好累但係又好開心，洗完碗之後亞兒走去沖涼，沖完涼亞兒仲要陪熱吻睇"魔戒"，但係唔好忘記亞兒第二日仲係要返工ga，身體上真係已經好累，不過亞兒真係好想陪熱吻一齊睇，唔想錯過每一個可以同熱吻一齊既機會，睇到一半既途中亞兒已經頂唔住，已經訓左落熱吻度，直到睇完熱吻先叫醒亞兒返床訓，o個晚都係亞兒一生中最開心既其中一日。
過左好多好開心既日子，其實可能o係好多人既心中覺得一句關心既說話只係好少既事，但係o係亞兒既心入面，熱吻既一句說話可以令到亞兒好開心同好唔開心。有一日晚熱吻好夜打俾亞兒，打唻同亞兒講"聽日天氣會凍呀，你聽朝返工著多件衫呀，唔好凍親"哈~~~~亞兒真係好開心，o個種開心真係唔知點樣形容。
都係o個句啦！開心既時間真係過得好快，亦都可以話幸福真係唔屬於亞兒ga。就o係10月既最得o個晚，亞兒又再一次搵唔到熱吻啦，亞兒好唔開心，o個?可以話係訓唔著，所以亞兒去左熱吻既屋企樓下等熱吻返唻，不過等左好耐亞兒都係等唔到。終於天光啦，亞兒再打俾熱吻，o個時亞兒先知道原來熱吻o個日係返左牛頭角既屋企，亞兒o係o個個時候真係再忍唔住啦，佢又問左一個好蠢既問題，大家都估到係咩問題啦~~~最後亞兒用激將法同熱吻講"我要依家過唻見你，我要依家就拎返哂所有野"亞兒知道咁樣熱吻一定會好嬲，亞兒仲特登同熱吻講"我係要你憎我呀！"雖然亞兒知道如果做到呢一步，亞兒會無可能再一次同熱吻o係返埋一齊，但係亞兒就係行左呢一步。去到見到熱吻既時候，佢地傾左一陣，其實亞兒唔係想
去拎返o的野，只係好想見埋熱吻最後既呢一面。呢一次分手熱吻同亞兒講佢真係感到好大既壓力，亞兒聽到真係好傷心，一直以唻亞兒都以為自己係一個做到100分既女朋友，但係原來只係亞兒自己一個係咁諗，佢一直都唔知原來熱吻係咁辛苦，亞兒即刻感到自己係全世界最差既女朋友。呢一次係亞兒再一次見到熱吻喊，雖然無流出唻，但係亞兒見到熱吻係眼充滿淚光。最後熱吻同亞兒都對對方講左一個承諾，熱吻既承係話"如果我再一次拉返你既話我會係好認真"，而亞兒既承諾係"如果我一日唔放低你既話我係唔會搵返你ga"。就係咁亞兒呢次就係同熱吻既最後一次分手啦。
NEXT
作 者 ： 吻兒
與作者聯絡
