一次又一次既傷─〉得不到的愛

(20)

雖然熱吻同亞兒o係返埋一齊，但係熱吻就好似唔多緊張亞兒咁，電話又無一個喎，攪到亞兒成日都亂諗野，一齊返幾日亞兒好多番爭扎，有諗過唔理熱吻，又有諗過當發左場夢，當亞兒有放棄既心態既時候，亞兒身邊發生左一件令到亞兒好唔開心既事，今次絕對係唔關熱吻事，今次令亞兒唔開心既係佢既朋友！亞兒既生日就快到啦，一早亞兒既朋友都問亞兒想去邊玩，個個都好有心咁為亞兒慶祝生日，但當亞兒既朋友知道亞兒同返熱吻一齊之後，個個都變得好無心咁同亞兒攪生日，亞兒知道原因係因為熱吻，佢地嬲亞兒點解要同返熱吻一齊！亞兒覺得如果係無心攪既真係寧願大家唔好為佢攪生日，因為亞兒唔想出到唻係唔開心既，但係亞兒既朋友就話唔係無心，不過到左o個日亞兒既朋友每一個都俾面色亞兒睇，跟本就唔覺得係為左亞兒而慶祝，只有某幾個朋友先係真係有心為亞兒既生日而慶祝，亞兒好唔開心，所以只係逗留左一陣就走左啦~~~~o係咁既心情亞兒真係好想有熱吻o係身邊陪佢，當亞兒打俾熱吻同熱吻講呢個生日有幾唔開心既時候熱吻無咩開解亞兒既說話，亞兒o係咁唔開心既時候再加上熱吻咁樣對佢，亞兒好衝動咁同熱吻講：【你以後都唔好再搵我呀！】就咁就收左線，但係收左線之後亞兒又好後悔點解會講出呢句說話，所以亞兒就再打俾熱吻，不過已經無人聽，咁亞兒只好留言俾熱吻同熱吻講自己係因為衝動先會講句咁既野，仲同熱吻say sorry！真係好彩熱吻無嬲到亞兒，仲同亞兒講搵返亞兒o個晚所講既野都係真既！亞兒聽到熱吻呢句真心話亞兒知道自己無揀錯，就算好快分開亞兒都甘心。

生日既前一晚熱吻都係陪住亞兒，但係好得意喎……成日晚佢地都係一齊，但係熱吻竟然無同到亞兒講生日快樂喎，最得意既係連亞兒自己都唔覺得呀ma，到左第二日亞兒先記得！亞兒只要對住熱吻真係連自己既生日都可以唔記得。哈~~~~

話咁快亞兒同熱吻就一齊左一個月啦，雖然o係成個月入面亞兒成日都提心吊膽，但係o係咁既日子當中亞兒都感覺到好幸福。有一日亞兒仲好開心tim呀，唔係熱吻成日陪住佢，又唔係熱吻送禮物俾佢喎，熱吻只係講左一句說話咋，但係亞兒就覺得呢句說話比起所有野都重要。o個日熱吻o係亞兒放工既時候打俾亞兒，佢問亞兒今日返工辛唔辛苦呀，呢句說話亞兒真係等左好耐，熱吻係第一次咁樣同亞兒講，亦都係唯一既一次。開心既事又點只一樣呀~有一晚o係亞兒訓到隻豬咁既時候電話突然收到msg喎，一開就睇到一個公仔係寫住”I Love You”既，亞兒真係好開心呀，因為個msg係熱吻send ga，亞兒都唔知幾多年無聽過熱吻同自己講呢句說話啦！不過好衰唔衰亞兒好唔小心咁無save低個msg喎，亞兒心諗都係自己訓到死左啦，攪到save唔到。

o係一齊返3個月既時候亞兒突然o係度諗……o係離離合合咁多次當中今次一齊真係最開心既一次，因為亞兒o係今次一齊返既呢3個月入面，佢同熱吻都無鬧過一場交。亞兒有一日仲望住熱吻訓覺o係度問自己：【點解我會咁愛佢既？】不過亞兒真係答唔到自己呀，所以一路只係望住熱吻訓覺，因為亞兒知道自已唔會再有幾多時間可以咁樣望住熱吻，佢唔想錯過可以望多熱吻一眼既機會。熱吻訓覺既時候亞兒覺得熱吻好似一個小朋友咁，所以亞兒會攬住熱吻訓，就好似當佢係一個小朋友咁，想保護佢守護佢。

NEXT

作 者 ： 吻兒

與作者聯絡