一次又一次既傷─〉得不到的愛

(18)

o係o個晚同完熱吻傾電話之後，亞兒有一個諗法，雖然佢真係好想同返熱一齊，不過佢已經決定左用半年時間去改變自己，半年內唔會同熱吻有何既溝通，無論半年後改變成點又或者無改變既亞兒都會搵返熱吻，到唔會再理有無機會同熱吻o係返埋一齊，總之半年後再搵熱吻。亞兒個有一個習慣，亞兒個心諗咩，又或者o個排亞兒發生左咩事都會寫哂落cq既info入面，所以就算搵唔到亞兒只要睇佢既info就會知道佢既近況！

今次決定既呢一件事都唔會例外，亞兒都有寫上icq既info入面。只係改兩日info亞兒就收到熱吻既offline msg啦~原來熱吻一直都有留意亞兒既nfo ga，msg內容話：【做咩野要等呀？你又去邊度呀？你睇到就回我啦！小心D。】當亞兒收到呢個msg既時候又忍唔住喊啦，亞兒o係度諗…咁即係點呀？佢諗緊咩呀？之後既兩晚亞兒訓覺前o係度諗：【如果今晚我夢見熱吻仲要係一齊返既咁即係我同熱吻仲有機會，但係如果夢唔見又或者夢見係唔好既咁就等於無機會。】不過最後亞兒都係夢見係好既，仲要係同返熱吻o係埋一齊，真係好希望呢個夢會實現！

“主”真係對亞兒好好，o係個o個夢發完之後兩日亞兒突然收到熱吻既電話喎，都已經覺得好出奇ga啦，最怪既係亞兒覺得熱吻講既野係有o的怪，雖然熱吻係話因為亞兒就唻生日所以打電話俾亞兒，不過相距亞兒生日仲有十幾日，亞兒心諗：【洗唔洗咁早打唻呀？】講左一陣電話好衰唔衰亞兒

個電話無電喎，咁就被逼要同熱吻收線啦，咁難得可以同熱吻傾到電話，亞兒真係好唔想收線。之後成日亞兒都o係度回味緊同熱吻傾電話既內容，亞兒真係覺得熱吻今日打俾佢係有o的怪，所以o係唔放心既情況底下亞兒返到屋企send左個sms俾熱吻，sms既內容就係：【你係咪有咩唔開心呀？聽你把聲好似有野喎？係有唔開心唔怕同我講呀，唔好擺o係心，我一定聽ga喎，有咩你就打俾我啦。】不過過左一陣都無收到任何既回覆，咁亞兒都諗可能係自己諗多左。之後亞兒唔知點解會諗起佢既初戀情人喎，所以就打左個電話俾佢，一傾就傾到凌晨4點幾啦，亞兒同佢既初戀情人都覺得累啦，係時候收線訓啦，所以亞兒就收線啦！亞兒訓左唔係好耐電話突然響喎，好彩亞兒係一個醒訓既人，如果唔係真係聽唔到有人打唻，亞兒心諗：【邊個咁鬼夜打唻呀？係咪唔知個死字點寫呀？】但當亞兒聽到對方【喂】o個一下亞兒即刻成個人都醒哂，因為亞兒就算點眼訓，當聽到熱吻把聲既時候就會成個人都醒哂。熱吻o係個電話入面語無倫次亞兒都聽唔到佢講咩？只係聽到佢話一陣再打過俾亞兒，咁亞兒就只好收線啦！亞兒諗住邊訓邊等熱吻既電話啦，但係亞兒就係都訓唔著喎，因為直覺話俾亞兒知道熱吻係飲醉左，所以o係擔心既情況底下亞兒打左個電話俾熱吻，亞兒：【你無咩事呀嗎？】

熱吻：【無呀！飲左好多酒law，返唔到屋企呀！】

亞兒：【咁你o的朋友呢？你地唔係一齊返屋企咩？】”因為熱吻既朋友係同熱吻住得好近”

熱吻：【我唔係返荃灣呀！我返牛頭角呀。】

亞兒：【咁你點呀？】

熱吻：【你唔洗理我啦，我一陣自己一個人返去啦！】

亞兒(諗左一陣)：【唔好啦！一係咁啦我依家出唻同你返去啦，你依家o係邊呀？】

熱吻：【我o係旺角呀！你唻到打俾我啦！】

NEXT

作 者 ： 吻兒

與作者聯絡