一次又一次既傷─〉得不到的愛

(17)

已經分左手個幾星期啦，每日亞兒都覺得好難過，仲開始後悔同熱吻講左分手呢兩個字tim，亞兒o係度諗：【唔知佢有無曾經有一秒諗起我呢？】咁傻既事都係得亞兒一個先會做ga咋！有一日亞兒本來諗住放棄ga啦，因為亞兒既第六感話俾亞兒聽佢同熱吻係無可能再o係返埋一齊，但係就係同一日熱吻竟然send左個offline msg俾亞兒喎，個msg熱吻係叫亞兒得閒搵佢咁喎！雖然個msg唔係講o的咩，不過就攪到亞兒個心好亂。就因為呢個平平無奇既msg令到亞兒成日都亂諗野。叫亞兒得閒搵佢喎•••你估亞兒唔想咩，亞兒只係唔可以搵佢唔係唔想搵佢。雖然唔可以打俾佢，不過亞兒無話過唔可以send msg俾佢呀，所以亞兒就send左個msg俾熱吻，內容係：【我唔會搵你ga，但係如果你有咩事你可以搵我呀，我一定會盡我能力幫你ga。】意外地熱吻有覆返亞兒喎！仲話遲o的搵亞兒……第二日亞兒又再一次收到熱吻既offline msg，今次熱吻就叫亞兒小心身體仲提亞兒帶口罩，因為o個段時期係非典型既高?期。亞兒收到呢個msg個心好矛盾，一方面亞兒好感動，另一方面又好唔開心，唔開心係因為覺得熱吻點解o係一齊既時候又唔會咁關心自己，到左依家分開左先唻關心，點解•••

到左本來係同熱吻一齊3周年既日子啦，但係亞兒身邊再無熱吻o係度啦，諗返起上年既呢個時候熱吻仲同亞兒講：【兩年好特別咩？我地仲有三年四年啦！】講大話……一切都係大話，一諗起呢o的既一切亞兒又喊啦，呢一年唻係亞兒過得最辛苦既，同樣係喊得最多既一年。既然o係呢個咁特別既日子，亞兒又點可能唔搵熱吻呀，但係無奈自己又講過話唔會再搵佢，咁只好send個sms俾佢啦，sms既內容係：【仲記得嗎？今日係我同你既紀念日，我無特別既意思，只係想懷念以前既日子。你都就唻生日啦，希望你今年既生日會開開心心，無我我諗都唔會再重蹈覆切。】send左個sms之後亞兒又忍唔住喊，喊到累啦就訓著左。訓訓o下突然收到個sms，亞兒即刻醒左，係熱吻send唻ga…..內容係：【其實都唔知點講…..我都係有o的掛住你，真係唔知點解，你自己小心啦！take care…..】亞兒好開心，因為熱吻話仲有掛住自己，亞兒心諗一切都唔再重要啦，有呢句說話就夠。亞兒再覆返熱吻sms，內容係：【收到你呢個msg我好開心，我都有掛住你，但係無奈我唔可以搵你，你都要take care呀，因為我好擔心你怕你有事，有事要搵我呀，我會幫你。】雖然之後熱吻再無覆亞兒，但係亞兒都已經心滿意足啦！

已經係5月啦！亦都係熱吻生日既月份，自從同熱吻通過sms之後亞兒成日都發夢夢見自己同返熱吻一齊，o係夢入面真係好開心，亞兒真係好想永遠o係夢入面唔出唻，最好就梗係可以夢境成真啦，但係又點可能呀，發多o的夢就得。終於都到左熱吻既生日啦…..亞兒諗左好耐，究竟打唔打俾熱吻好呢？但係打去又唔知講咩好？唔通真係講句【生日快樂】就收線？最後亞兒鼓起左最大既勇氣打俾熱吻，打到去既時候聽到熱吻玩得好開心，亞兒當然有講生日快樂啦，諗住講完就同熱吻講唔阻佢玩叫佢玩得開心o的就收線，不過熱吻就係咁搵話題同亞兒講，最後佢地傾左一陣就收線。

NEXT

作 者 ： 吻兒

與作者聯絡