一次又一次既傷─〉得不到的愛

(15)

當亞兒滿心歡喜沖涼既時候，亞兒聽到熱吻o係呢個時候同人傾緊電話喎！其實傾電話都唔係有o的咩，但係亞兒聽到熱吻既聲線好溫柔，仲叫電話入面既o個個人早o的訓。亞兒聽到之後成個人呆左，熱吻講完電話之後就問亞兒做咩沖涼沖咁耐喎，仲話想同亞兒一齊沖，咁亞兒就梗係唔肯啦，因為呢一刻亞兒真係唔知自己可以做o的咩？亞兒o個一刻既樣熱吻睇到真係有o的嬲，因為熱吻係咁問亞兒做咩事亞兒就係都唔講，只係識得黑起塊面，熱吻最後嬲到話叫亞兒自己嬲飽佢，嬲完先好搵佢咁喎，聽到熱吻咁講既時候亞兒仲點忍得住呀，佢咪即刻問熱吻頭先同邊個講電話law，但係熱吻竟然話無講過電話喎，仲要問返亞兒轉頭發咩神經•••講完呢句熱吻已經唔想再同亞兒講啦，佢諗住走掉低亞兒一個人o係佢屋企，亞兒梗係唔肯啦，不過亞兒只係識得用身擋住個門口唔俾熱吻走同埋只係識得喊。個情境就係亞兒企o係屋頭，而熱吻就企o係屋尾，熱吻好嬲咁掉個電話俾亞兒叫亞兒自己睇o下佢頭先有無打過電話？亞兒o個一刻o係度諗：【如果佢真係無打過而我又拎起個電話唻睇既話佢一定會好嬲之後就一走了之唔理我ga喎？但如果我唔拎既話佢又會話我頭先o個番說話係無中生有？】o係呢個咁煩既環境底下亞兒最後都係決定左唔睇。佢地兩個人相對無言左一陣之後熱吻見亞兒仲喊緊，而佢自己既火又下左咁佢就叫亞兒過去佢身邊坐低，熱吻竟然哄返亞兒叫佢唔好再喊，呢個時候聽到咁既說話亞兒喊得仲大聲，因為佢無諗過熱吻會咁樣。o個一刻亞兒真係好想同熱吻講句【對唔住】但係唔知點解就係出唔到聲只係識得攬住熱吻係咁喊，o係o個個時候亞兒先發覺【我愛你】呢三個字一o的都唔難開口，反而【對唔住】先係最難講既說話。

過左一排亞兒又同熱吻返左沙田既屋企，o個晚亞兒同埋熱吻既朋友一齊玩，玩之前熱吻叫亞兒去沖個涼先，真係估唔到同一樣既事情又再一次發生，亞兒又聽到熱吻同人講電話，今次又係用好溫柔既聲音，亞兒真係成個呆左呆到熱吻拍門問做咩沖涼沖咁耐，但亞兒就扮無事，沖完涼亞兒當咩事都無發生過，但係佢個樣就正正出賣左佢自己，因為係人都睇得出沖涼前同後係兩個樣。亞兒扮無事係因為唔想o係熱吻既朋友面前喊，佢唔可以俾人知道自己唔開心。玩到咁上下亞兒就話唔玩啦，自己一個返左入房訓，但係亞兒又點會訓得著呀？呢個時候亞兒又聽到熱吻打電話，o個一刻亞兒個心真係好痛，到熱吻既朋友走左之後熱吻就入房搵亞兒，佢見到亞兒喊緊就問亞兒做咩事？亞兒就同熱吻講：【你應承我o係件冷衫織起之前你可唔可以盡量對我好o的？我唔理我係人地第三者又好人地係我第三者又好，織完件冷衫之後我會走。我唔想好似上一次咁，既然今次人地唔知道我既存在既咁就算啦，我唔想三個人都唔開心。】熱吻攬住亞兒同亞兒講：【無第三者呀，無論織完前同後我都會對你好好。】但係亞兒就知道無可能，因為o係熱吻講呢番說話既同時熱吻既時電話同一時間有人打唻，雖然係用無聲，不過亞兒知道係另一個女仔打唻。o係o個一刻亞兒咩都唔想諗，只係想好好咁珍惜以後同熱吻一齊既日子，o個一晚係亞兒o係熱吻既懷抱入面含住淚訓。

NEXT

作 者 ： 吻兒

與作者聯絡