一次又一次既傷─〉得不到的愛

(13)

雖然亞兒同熱吻講左呢番說話，但其實佢個心真係好痛，但係有無人明白呀？亞兒真係諗住就算 online 見到熱吻都唔會主動同佢 say hi ，不過唔知點解 o 個排成日都唔見熱吻 online ，咁亞兒就諗 ...." 熱吻係咪嬲我咁同佢講野呢？定係佢同佢女朋友成日都見唔得閒 online 呢？ " 諗到呢度亞兒就好唔開心啦，但係咁又有咩計呀？

說話講左就唔可以收返，又係自己開口講先既，所以亞兒只好每日返工放工盡量唔俾自己諗起熱吻，成日都可以唔諗，不過每當訓覺前亞兒就會諗起熱吻，諗起以前一齊既開心片段，諗 o 下經歷過既所有事，諗到呢個時候亞兒又自己一個人 " 喱埋喊" 因為佢唔想俾佢既朋友見到佢又為左熱吻喊，又唔想屋企人擔心自己，所以只係一個人 " 喱埋喊 " 都已經 " 喱埋喊 " 啦，咁仲點可能將自己既唔開心同朋友講呀，亞兒只好每晚同 " 主 " 講，求 " 主 " 可以俾返熱吻佢，因為亞兒真係好想同返熱吻一齊，晚晚如事。

過左幾個月到左中秋節既時候，人月兩團圓既日子，亞兒得返自己一個喎，咁就梗係好唔開心啦，而 o 係呢個時候仲俾亞兒睇到個女仔既 icq info 講得佢自己同熱吻過得幾開心，亞兒一邊睇一邊喊，其實明知自己睇到係會唔開心，但係亞兒偏偏就係咁傻。過左唔知幾耐亞兒再一次 o 係 icq 見到熱吻，今次係熱吻主動 hi 亞兒，咁亞兒就回應佢，亞兒用左一個好普通朋友既方法同熱吻傾計，因為亞兒唔想俾熱吻知自己仲係鍾意佢。傾左一陣熱吻講到佢呢排屋企無人，因為媽咪去左旅行得返佢一個好悶，咁亞兒就話：【悶既咪叫女朋友唻陪你 law 】好意外地熱吻回左一句：【咩女朋友呀？】亞兒當然感到好出奇啦，所以就再問一句【你有好多女朋友咩？】熱吻再回：【我無搵佢好耐啦喎！你唔知咩？】呢個時候亞兒又開心又八卦咁問：【我又點會知呀？你地唔係好好既咩？做咩唔搵人呀？】 o 個晚亞兒傾得好開心，之後仲約左遲 o 的出唻見面食飯 tim.... 真係好呀！

到左出唻見面既日子啦 ~o 個日亞兒好開心，因為等左咁耐終於都等到啦， o 個晚亞兒同熱吻去左食飯，亞兒特登扮到好唔在乎同埋對熱吻好似普通朋友咁，到食完飯啦得亞兒同熱吻兩個人，唔知去邊好喎， o 個時都好夜無咩地方可以去，但係亞兒真係唔想咁快就走，好想可以再見耐 o 的，所以佢就提出去飲野啦！佢地兩個去左間吧飲野，正常地就梗係猜枚啦，亞兒係咁輸喎，最後亞兒仲飲到嘔 tim ，亞兒突然走出左間吧喊，熱吻問：【做咩事呀？】但亞兒就咩都無講只係識得喊，之後熱吻話同亞兒返屋企，呢個時候亞兒先問：【返邊度屋企呀？】熱吻好自然咁答：【我屋企呀！】之後佢地就一齊搭 taxi 返熱吻屋企，上車既時候亞兒好自然咁訓 o 係熱吻度，亞兒覺得分手咁耐以唻無一次係訓得咁舒服 ga 。返到屋企之後熱吻幫亞兒除鞋仲扶佢返房訓，之後熱吻就叫亞兒聽日聽到鬧鐘響既時候就叫佢起身。

NEXT

作 者 ： 吻兒

與作者聯絡