一次又一次既傷─〉得不到的愛

(6)

亞兒已經唔想再o係咁多人面前講啦，因為始終都係一件唔好既事，所以佢決定同 熱吻兩個人傾。俾係以前既亞兒根本就唔會俾面熱吻，但係唔知點解亞兒就係變左 好多。

直到同地兩個傾既時候，亞兒第一句就問熱吻仲有咩好講，真係估唔到既o係呢個 時候熱吻仲要講大話，佢作左一個好老土既藉口出唻同亞兒講點解會同左個女仔一 齊，仲要同亞兒講話佢其實已經唔再搵個女仔，等個女仔知難而退。一切都講得好 好！但係亞兒就話：【其實如果你係真心鐘意佢既，你係要揀佢既咁我可以走呀！ 以後仲可以有朋友做呀！】但係熱吻點都係話唔係，話佢自己根本唔鐘意個女仔， 咁亞兒就話：【咁如果係既你當住我面打俾佢同佢講清楚你唔鐘意佢，叫佢唔好再 搵你呀。講唔出既一係就由我講！】不過熱吻死都唔肯打呢個電話。而亞兒再問熱 吻究竟個女仔知唔知道有亞兒既存在，好彩熱吻答唔知，如果唔係亞兒一定唔會放 過個女仔。因為亞兒諗：【如果個女仔知道我既存在都要做第三者既，咁佢真係犯 賤，但係如果個女仔唔知既，佢成件事就係熱吻既錯。】講到呢度亞兒就叫熱吻第 二日俾個答覆亞兒，而熱吻都應承。之後亞兒就再扮返無事咁，開開心心咁同佢慶 祝生日，唔再提件事，而再無o係佢既朋友面前有唔開心既表情，仲要做到好開心 。

到左第二日，亞兒打俾熱吻既時候熱吻已經唔再接亞兒既電話啦，亞兒已經知道大 事不妙啦！而亞兒就係一個咁既人，佢雖然係知道個答案，但係佢唔聽到唔同熱吻 面對面親口講既，佢一定唔會死心，所以佢決定踩入去搵熱吻，好在亞兒身邊仲有 一個線人，而呢個線人就話俾亞兒聽熱吻o係邊，仲話俾亞兒聽o個個女仔都o係度。 雖然做錯事既唔係亞兒，但係唔知點解亞兒個心好驚，比自己做錯事更驚，可能係 唔知自己到時可唔可以接受到啦！到左入到沙田，亞兒諗住去搵熱吻當場捉正佢， 佢明知道熱吻o係邊，但係唔知點解佢始終唔敢面對，佢打俾熱吻話俾熱吻知佢已 經入左唻。到亞兒見到熱吻既時候，佢問熱吻頭先個女仔係咪o係度，佢都會估到 熱吻一定答無ga啦！跟住亞兒就開始問熱吻佢地三個之間既三角戀啦！就係【亞兒 、熱吻同第三者】

NEXT

作 者 ： 等著你→亞兒

與作者聯絡