一次又一次既傷─〉得不到的愛

(5)

o係呢個咁開心既日子往往都會係有o的唔好既事會發生，就係o係呢日亞兒知道左 熱吻真係有第二個。點解亞兒會知係因為亞兒睇左熱吻既icq history，雖然真係 一件好缺德既事，不過亞兒真係好想知道熱吻係咪真係有第二個。結果真係俾亞 兒知道左熱吻真係有第二個，而呢個女仔係熱吻個好朋友介紹俾熱吻既。佢地兩 個係幾時開始一齊，就係o係上次亞兒高估左自己o係熱吻心目中既地位o個次，個 女仔以為亞兒真係同熱吻分左手，而熱吻佢就想一腳踏兩船。但係結果都係俾亞 兒知道左，亞兒知道左之後佢個心真係好傷同埋好痛，佢既眼淚係咁不由自主咁 係咁流。當亞兒平伏番少少既時候，亞兒就諗：【今日係開心既日子，唔想突然 攪到唔開心。就當無事發生過，今晚開開心心咁同熱吻慶祝左先。】之後亞兒就 寫左封信留低o係熱吻屋企，諗住同熱吻食完飯之後佢番到屋企就會見到張紙咁就 知道亞兒知道左o個件事。但係當亞兒寫完之後佢又唔知點解掉左o個張紙，因為 亞兒諗住第二日再面對面問熱吻。

到左第二日亞兒又去左熱吻屋企，o係熱吻行開左既時候熱吻個電話響，亞兒就好 奇睇o下係邊個，點知發現係o個個女仔，亞兒就諗：【好唔好聽左個電話佢好？ 】到最後都係無聽。跟住熱吻番唻之後亞兒好認真咁問熱吻！【你有無野呃我呀 ？】熱吻話無。亞兒再問多一次，熱吻都係話無。之後亞兒再問：【頭先打俾你 o個個係邊個唻？】熱吻話：【係我個朋友個妹。】亞兒話：【唔好再講大話啦！ 我睇左你icqhistory呀！】熱吻依然o係度唔認。傾左好耐都係無結果，之後亞 兒好傻咁同自己講自己睇錯。因為亞兒真係唔知自己可以點做，佢知道自己唔可 以放低熱吻所以唯有只有咁樣做。

直到熱吻既生日，亞兒諗：【如果佢生日既正日都唔係要自己同佢過，咁就知道 咩事啦！】到左正日啦，熱吻真係話同亞兒過，但係係好夜先搵亞兒，佢俾藉口 就係話同佢屋企人慶祝要夜o的。o係亞兒好開心咁等緊熱吻既時候，亞兒個朋友 打俾亞兒同亞兒講話有人同呢個朋友講，熱吻真係有第二個，而且所有人都見過， 仲話熱吻同人講同亞兒已經分左手，連一齊既時候o個隻介指都掉左。令到亞兒最 心痛既就係熱吻同o個個女仔o係好多人面前都唔理旁人係咁親熱。聽到之後亞兒 個心好似俾刀一下一下係咁插入去，令亞兒痛到生不如死。

本來亞兒都唔想o係熱吻生日攪到咁唔開心，但係無奈就係要o係呢個時候俾亞兒 知道一o的咁既事，亞兒都好想見到熱吻既時候扮咩事都無，但係佢今次真係做唔 到啦，佢見到熱吻既時候已經再唔可以扮開心啦，佢就係眾人面前問熱問係咪有 第二個，o係呢個時候熱吻都話無，但係亞兒叫熱吻唔須要再講大話啦，因為佢自 已個朋友已經講哂俾亞兒知，當熱吻仲係死口唔應既時候，亞兒就同熱吻講哂呢 個女仔既地址同電話出唻，呢個時候熱吻再無可能唔應。而熱吻既朋友好出奇咁 望住亞兒，亞兒o係呢個時候都好唔客氣咁同熱吻既朋友講：【你唔好同我講你地 唔知呀？你地每一個都見過個女仔o家！】講完之後亞兒再同熱吻去傾呢件事。

NEXT

作 者 ： 等著你→亞兒

與作者聯絡