一次又一次既傷─〉得不到的愛

(4)

話咁快又過左幾個月啦，亞兒已經考完會考啦，之後佢就去讀展翅，識左好多 新朋友。而葉文佢就因為搬左去佢亞媽度住，佢地見面就好難，更加唔係成日 見，但係葉文應承亞兒佢星期五、六、日都會陪亞兒，但係到最後都係無做到 。慢慢亞兒o係展翅入面既同學仔到鐘意左一個人，因為佢地日見夜見，一日 見面既時間仲多過一個星期見葉文既時間，所以亞兒就慢慢鐘意左呢個男仔。 當然佢覺得自己好對唔住葉文啦，亞兒都有諗過因為咁而同葉文分手，但係 佢又好唔捨得喎，因為始終同葉文都經歷過咁多野，亞兒以為自己唔係咁在 乎葉文，最過份既係每晚葉文都會陪亞兒o訓，但係亞兒心入面諗住既係第二 個男仔。直到有一次，葉文去左亞兒屋企，葉文睇左亞兒同佢好朋友o係icq 入面既對話，知道左亞兒鐘意左第二個，亞兒知道左之後佢既感覺話俾自己知 其實佢唔係唔在乎葉文ga，o係o個一刻亞兒先知道自己原來仲係好愛葉文ga。 之後亞兒就無再鐘意o個個男仔啦。

日子一日一日咁過，亞兒覺得葉文亦都一日一日咁變緊，變得唔再緊張自己， 變得好少搵自己，成日都只顧同朋友去玩，亞兒好唔開心好心淡。o係第二年 既x`mas亞兒同葉文再無一齊去玩，大家分開同自己既朋友去玩，x`mas已經再 無一齊過，新年都係一樣，葉文再無帶亞兒番屋企拜年，就連年宵都只係出唻 會左一會亞兒之後就走左。佢地既感情一日比一日差。

直到3月亞兒搵左一份工做，咁樣佢地見面既時間就變得更少，亞兒個心諗： 【都好想自己男朋友會去接自己收工。】但係葉文無咁樣做過，就連打電話 問亞兒番工辛唔辛苦都無，亞兒放假都唔會陪亞兒。到左一日亞兒真係再忍 受唔住葉文咁樣對自己啦，佢好衝動咁同葉文講分手，因為亞兒覺得葉文會 留住自己，但係今次葉文無再話唔好分手，佢一口話【好呀】。亞兒即刻好 後悔，佢亦都知道今次自己高估左自己，亞兒真係好想話可唔可以收番呢句 說話，但係無奈今次係自己開口，根本無可能收番，所以亞兒同葉文講話要 取回自己既衫，其實亞兒根本就唔係想取回自己既野，只係想見o下葉文。葉 文真係俾番o的野亞兒，但亞兒真係唔想離開，終於亞兒鼓起左好大既勇氣同 葉文講唔好分開，亞兒同葉文講：【以前我成日同你講我無左你我唔會死ga， 但係今時今日我先覺得，原來我無左你我真係會死ga，可唔可以唔好分開呀？ 】葉文聽完佢同亞兒講：【點解你唔同我講呀，你唔同我講我係唔會知道你 諗咩ga。】就係咁樣亞兒同葉文就無事咁樣o係番埋一齊啦！

一齊番亦唔代表葉文對亞兒會好好，葉文依然都係唔緊唔理亞兒，但係無奈亞 兒又唔可以離開葉文，咁只好死忍啦！到左佢地兩周年既記念日啦，亞兒去接 葉文放學，之後一齊番屋企，o係番屋企途中，葉文同亞兒講：【兩年好特別 咩？我地仲有三年同四年啦！】亞兒聽到就梗係好開心啦，因為佢自己都好想 同葉文有第三年同第四年。但係永遠o係亞兒最開心既時候都會發生一o的令到 亞兒好傷心既事！呢件事令到亞兒真係企唔番起身，而且一世難忘！

NEXT

作 者 ： 吻兒

與作者聯絡