一次又一次既傷─〉得不到的愛

(3)

話咁快就過左一年啦！亞兒已經係中五生啦，佢好怕、好怕佢同熱吻唔同一間學校既時候，佢地既感情好快會變，再加上會考既問題，佢地既見面時間當然會少左啦！不過熱吻真係好體諒亞兒，佢知道亞兒今年要考會考，無咩時間去玩，所以佢寧願少o的去玩而去陪亞兒。亞兒當然好感動啦，佢覺得自己係全世界最幸福既人，因為佢有一個咁好既男朋友，真係感到好驕傲呀！

但係同時o係o個年亞兒覺得熱吻好似有第二個，而呢個人仲要係自己既朋友。因為有一日亞兒o係熱吻屋企，突然熱吻屋企電話響，好正常當然聽電話啦，而亞兒就o係來電顥示度見到係亞兒個朋友既電話號碼，佢好叻，熱吻立即叫亞兒聽電話，話亞兒個朋友搵亞兒，但係亞兒諗，如果佢係要搵自己既佢可以打去佢既手提呀，又或者可以打去佢屋企呀。就係呢點，亞兒開始懷疑啦！所以亞兒諗住要熱吻自己親口認，所以佢就用左心理戰啦。亞兒問熱吻？【一個男仔同一個女仔點先算有野呀？】而熱吻答佢就話：【唔知】，咁亞兒再問？【咁如果拖過手算唔算呀？】熱吻答佢話：【唔算】，亞兒即係好嬲咁講：【咁洗唔洗發生左關係先算呀？】熱吻當然好驚啦，咁熱吻就問？【咩事呀？都唔明你講咩？】亞兒就話：【你唔好同我講你無呀？】熱吻當然死口都話無啦，但係亞兒又唔心息，所以亞兒叫熱吻唔好講大話，亞兒話如果再講大話後果更加大，熱吻聽完佢真係認左，佢認左有同亞兒個朋友拖手，亞兒既心情即刻往下沉，因為佢無諗過會係真既。亞兒聽完就同熱吻講分手啦，而熱吻就唔想分手，但係亞兒就唔俾機會佢，o係o個一刻熱吻同亞兒講：【好似俾人出賣咁！】亞兒問熱吻？【你覺得係你o的朋友出賣你呀？你o的朋友好夠義氣，佢地咩都無講，出賣你既人係我。】熱吻聽完更加俾唔出反應。之後熱吻喊，佢同亞兒講佢唔想分手，係咁講對唔住，但係亞兒既朋友教千祈唔好心軟，所以亞兒無理過熱吻，但係到最後熱吻跪左o係度求亞兒唔好離開佢，o個一刻亞兒真係好感動，因為從來都無人會跪佢，而且一個男仔咁樣放低尊嚴去挽回一段感情，就算點嬲都好都會因為咁樣俾佢感動啦！所以亞兒俾次機會熱吻！

但係過左一排亞兒既o個個朋友打俾亞兒同亞兒講佢同熱吻既野喎！亞兒好嬲，佢好唔想聽佢個朋友電話，之後佢個朋友話要出唻講清楚，所以佢地第二日就出左去講清楚，亞兒覺得好無奈，因為成件事都唔係亞兒攪出唻既，但係就要佢去收拾殘局。出到去亞兒個朋友同熱吻都互相係話對方搵對方，其實一早就知道係無可能會得出個結果。但係唔知點解亞兒今次再出去佢又好嬲熱吻對佢不忠喎，所以亞兒話如果要解決既咁一係亞兒搵一個男仔做番佢地曾經做過既野，咁樣亞兒就當無事發生過，亞兒問熱吻可唔可以接受到？熱吻唔肯，所以亞兒又再一次堅決咁再講一次分手，熱吻好努力咁挽回，但係亞兒好硬頸，所以熱吻都再無方法啦！佢問亞兒佢仲可唔可以搵亞兒，亞兒好絕咁講：【唔可以】。咁o岩亞兒既好朋友打電話俾亞兒，佢個好朋友知道左之後佢問左亞兒一個問題？【點解你當初會原諒佢呀？依家只不過係再一次去傾呢件事，點解你要嬲佢呢？如果真係要嬲既咁當初就唔好原諒佢啦！】就係呢個電話就點醒左亞兒啦，所以佢就無同熱吻分手。

NEXT

作 者 ： 吻兒

與作者聯絡