一次又一次既傷─〉得不到的愛

(1)

亞兒係一個專一既人，佢一但鐘意左人就好難會鐘意另一個。佢既初戀就發生o係 中一既時候，呢個男仔係佢既小學同學，雖然佢地一齊只係得一個月，但係亞兒 就已經好鐘意佢既初戀情人。分開之後佢一直都鐘意佢既初情戀人，就算係明知 道佢地係無可能再次一齊都好，佢依然o係度等，一等就等左3年啦！到佢中4既時 候佢識左一個年紀比佢細既男仔，佢地感情好好，每一晚都傾電話，亞兒身邊既朋友都話呢個男仔係鐘意亞兒，但係佢自己就唔信，因為佢自己講過佢係唔會鐘意細過自己既男仔。但係到最後佢都係食言，佢到最後就係同左呢個細過佢自己既男仔一齊。呢個男仔就叫做『熱吻』

亞兒同熱吻開頭一齊既時候亞兒身邊既所有朋友同屋企人反對，因為佢地都覺得熱吻唔係一個好既男仔，所以大家都反對佢地兩個。但係亞兒無理過，因為佢覺得值得既，佢就唔會理會任何人點諗，佢都會去做一o的自己覺得認為應該做既事，佢要用時間去證明俾大家睇佢既決定係無錯既。但係同時佢因為熱吻而無哂所有朋友，不過佢都無放棄。終於皇天不負有心人，大家開始對熱吻既睇法改變，大家開始應同亞兒既決定係o岩既。

熱吻對亞兒真係好好，但係亞兒就係咁衰，成日都好無理咁向熱吻發小姐脾氣，但係熱吻都無怨過，佢仲好錫亞兒，咩都就哂佢。就連亞兒既朋友都話佢唔應該咁樣對熱吻。佢都承應佢開頭唔係好愛熱吻，因為佢既朋友問佢依家鐘意熱吻有無好似以前鐘意初戀情人咁多，o係當時亞兒答佢個朋友話：無！無人可以代替佢←“初戀情人”既地位。

亞兒同熱吻一齊左唔夠一個月就係熱吻生日啦，亞兒無買生日禮物送俾佢，仲要成日都黑口黑面。其實亞兒都唔想咁o家，只係o個日熱吻既前度女朋友都有出席，咁樣好難可以好開心咁同佢慶祝o家喎！就算幾堅強既女仔都會識得呷醋o家嗎？咁樣亞兒都唔會例外，因為佢都係一個女仔唻o家。

NEXT

作 者 ： 等著你→亞兒

與作者聯絡