好懷念個9字..

 

千禧張至,感覺冇乜特別,或許有點懷念個9字,因為至少須要等十年,才可再在年份上再度重遇佢.同佢有十年感情喇,一個老朋友,我會在餘下這數小時努力甘把佢寫多幾次,歡送佢. 1999,1999,1999,1999………………….

 

唔知再遇到佢時,佢會變成點樣,我應該仲未有”腩”,頭髮應該短左,可能我宜家太長吧,但希望不會希疏,希望佢仲認得我.

 

十年後……如果o個個比人睇相既呀蛇真係發左達,我一定會去搵o個位高人,再比佢一次機會,寓言我發達,當然要身體健康,很多很多既希望.

 

真係唔知下世紀會係點,希望呢個世界可以簡單番d,希望好多野唔好再變,希望太陽仲有能力從東面昇起,希望每一個黃昏依然係甘靚,希望呢個真係一個值得期待既世紀.

 

再見1999,再見9.希望各位天天快樂,希望這不只是一個希望.

 

一九九九年十二月三十一日下午六時..再見..

作 者 ： 青 見 人 子

想 聯 絡 作 者 ， Email 至 ：  michaelpoting@hotmail.com

(c) Michael Po 1999 / (P) StoryLand 1999. All Rights Reserved.