賺女人錢!?!?!?!

 

有人話女人錢好易賺,其實我好唔認同,因為易賺既應該係男人錢.

 

您要賺女人錢,一係就等佢年過廿五,因為通常到女性進入呢個年齡,佢地都會感覺到自己好老,但實際上佢地絕對唔老,至少都仲係二字頭,但呢一群女性係可以不惜一切,用盡任何叫做有效既方法去另到自己睇黎細幾個月,之不過可能係呢幾個月,佢地就會以每月數以千計既一蚊,瘋狂地另自己毀容,無錯,原則上係毀容.

 

但呢d錢絕對唔易賺,因為至少您要同呢一班自殘既人分析下皮膚,叫做張佢地既皮膚分下類,係雞蛋,一話係皮蛋,係新薑,一話係老藕,份報告絕對唔可以太簡單,係您一輪努力下,您成功左,您賺到佢既錢,您要好死狗甘,並且帶著一點溫柔,或許係一盤,”點”太少了,好開心甘同佢講一句”多謝!!成為十五個半呀,下次再黎呀”最好加多句,”其實您d皮膚都好好呀,不過用左呢一隻面油紙之後,d皮膚會無甘油,會好似雞蛋甘.”鬼整咩,做甘多野,都只係得十五個半.您仲話女人錢好賺!!!

 

男人錢就唔同,易賺到您唔信,您基本上講一句說話就可以,您可以講”埋黎睇埋黎簡呀,一百蚊四隻,五級無格仔呀!!”想賺快d,可以再加多句”蛇貓都有”.甘您都仲唔賺到笑,您絕對須要檢討下.不過呢d通常都只可以給引一眾隻身男性,我自問就未見過帶埋女朋友,或者一家大細,去搜購既精采盛況喇,見到既話,請幫我影低佢,等我比d一百歲都未死既人當新聞睇下.

 

甘您可能會問,喂!!呢d野比人拉到好大煲個wor.如果您仲相信呢個係事實既話,得,教您更易賺男人錢既一句說話,就係”您女朋友一定鐘意架.”您什至乎呼渴佢都仲得,只要您另到佢感覺到佢女朋友鐘意,會笑,甘您就已經成功,基本上個女朋友唔鐘意都唔係問題,因為佢都買左喇,仲唔夠既話,幫佢加d創意,一粒平平無奇既密蜂糖,幫佢highlight 個 “honey” 個字,然後求其係儐儀館搵d花瓣番黎,一齊放係個心形盒到,甘就惦梗,至少o個個呀男朋友感覺到佢女朋友會好開心,佢自己又好開心,原則上您都成功左,仲唔止甘簡單,佢仲會當您神甘拜,比您小,都會笑住走,甘都仲唔好搵.

 

您能夠成為神,其實好簡單,因為您幫呀男朋友解決左一個好大既問題,”令女朋友開心”.您唔洗佢日晒雨淋,企係條街到買”屎路狗”或者係”哈路貓”.您又唔洗佢三間半夜走到去呀女朋友屋企樓下,打個電話上去話好想見佢,您亦都唔洗佢三晚眼光光,望住個天,係到煩,仲可以點樣令到呀女朋友開心.您能夠成功,其實並不在於您有幾努力,而在於呀男朋友有幾鐘意呀女朋友,通常您都只可以係早期賺佢既錢,原因好簡單,唔係後期呀男朋友唔鐘意呀女朋友,而係呀女朋友唔洗您幫呀男朋友都已經好開心.不過您唔洗驚,男朋友既年齡有年輕化同年老化既即象,由八歲到八十歲都係呀男朋友,您仲想點??

作 者 ： 青 見 人 子

想 聯 絡 作 者 ， Email 至 ：  michaelpoting@hotmail.com

(c) Michael Po 1999 / (P) StoryLand 1999. All Rights Reserved.